Қауіпті індеттен сақ болуға шақырады

ҚР Тұтынушылар құқығын қорғау агенттігі қазақстандықтарды «Эбола» безгегінің өршуіне байланысты Африкаға сапарға шыққанда сақ болуға шақырады. Африкада бұл індет 670 адамның өмірін қиып кетті.

Гвинея, Либерия және Сьерре-Леоне денсаулық сақтау министрліктерінің ақпараты бойынша безгектің тіркелуінің жаңа оқиғалары жалғасуда.

«Қазақстан Республикасы халқының санитарлық-эпидемиологиялық саулығын қамтамасыз ету мақсатында агенттік шетелдік сапарларды жоспарлауда осы ақпаратты ескеруді ұсынады», делінген хабарламада.

«Эбола» қанды безгегі – ауыр вирустық жұқпалы індет. Ол сирек кездескенімен, өте қауіпті клиникалық жағдайда науқастың 50-90 пайызын өлімге ұшыратады. Инкубациялық кезеңі 2 күннен 21 күнге дейін созылады.