Басты Жаңалықтар Білім мекемесіндегі медициналық орталық

Білім мекемесіндегі медициналық орталық

21.06.2014 05:30

Алматыдағы әл-Фараби атындағы Қазақ Ұлттық университетінің жанынан алдағы 2-3 жылда 500 адамға шақталған емхана салынады. Осы мақсатқа Оңтүстік Корея 150 миллион АҚШ доллар инвестиция құймақ.

Күні кеше екі ел арасында маңызды меморандумға қол қойылды. Қазір құрылысқа қажетті барлық құжаттар дайын. Соны технологиямен жабдықталған орталықта студенттер емделе алады, тәжірибе жинауларына да мүмкіндік бар.

Айта кетейік, ұлттық университет бұдан бөлек, Оңтүстік Кореяның Ёнсе университеті жанындағы «Кангнам Северанс» клиникасымен бірлесе, медициналық-биологиялық кластер жасап жатыр.

Ғалымқайыр Мұтанов, әл-Фараби атындағы Қазақ Ұлттық университетінің ректоры:

Бірінші кезеңінде диагностикалық орталықты қазір аяқтап бітірдік, барлық жабдықтау, оның логистикасы, менеджменті Корей орталығымен жасалды. Өйткені, соңғы уақытта Оңтүстік Корея медициналық туризмде бірінші орынға шықты. Мына оның сапасы, оның дейгейі ең жоғары, соны біз өз елімізге тартып жатырмыз. Трансферттік технологиялар, солардың менеджменті бар.

Әсем ИЗАТҚЫЗЫ

Бөлісу