Басты Жаңалықтар Ақтауда «Рахмет саған, дәрігер!» акциясы өтті

Ақтауда «Рахмет саған, дәрігер!» акциясы өтті

16.06.2014 08:00

Ақтау қаласындағы облыстық ауруханада «Рахмет саған, дәрігер!» акциясы өтті. Онда емделушілер арнайы смайликтерге ең қамқор дәрігердің атын жазып, қалдыруы тиіс. Ең көп дауыс жинаған медицина қызметкерін ұпай саны бойынша арнайы құрылған комиссия анықтайды.

Бұл шара осы маусым айының ортасына дейін облыстың барлық елді мекендеріндегі емдеу орындарында ұйымдастырылады. Осы акция арқылы дәрігерлердің беделін көтеріп, еңбегін елеу көзделіп отыр.

Халиса Көпешова, емделуші:

Емделіп жүрген дәрігеріме көп-көп рахмет айтамын, денсаулық тілеймін. Соның ішінде неврология бөлімшесінің меңгерушісі Жәнібек Қазиұлына аналық жүрегіммен алғыс айтамын. Жақсы тілегімді білдіріп, рахметімді жазып кеттім.

Амангүл Жайылханова, Салуатты өмір салтын қалыптастыру орталығының директоры:

Акцияның негізгі мақсаты - әрбір мекемедегі ең үздік дәрігерді анықтау. Ол дәрігерді салтанатты жиналыста марапаттайтын боламыз.

Жазира ӘБІЛ

Бөлісу