Басты Жаңалықтар Астанадағы перинаталды орталық қызметкерлері кәсіби мерекелерін атап өтті

Астанадағы перинаталды орталық қызметкерлері кәсіби мерекелерін атап өтті

13.06.2014 08:00

Астанадағы № 1 перинаталды орталықтың қызметкерлері кәсіби мерекелерін атап өтті.

Дәрігерлерді «Нұр Отан» партиясының өкілдері құттықтап, Алғыс хаттармен марапаттады.

Сондай-ақ, ақ халаттылар медициналық мекеме басшысының да алғысына ие болды.

Салтанатты шараға мына кішкентай үшем арнайы шақырылған. Олардың ата-анасы - осы мекеменің қызметкерлері.

Ерлан Есіркеп - рентгенолог, ал, Венера Айтелесова – акушер-гинеколог.

Сәбилер өткен жылы дәл осы перзентханада дүниеге келген. Содан бері ерлі-зайыпты дәрігерлер мен олардың балғындары осы орталықтың бақылауында.

Жалпы, бұл мекемеде 600-ден астам адам қызмет етеді. Күніне 25, кейде 40-қа жуық нәресте дүниеге келеді. Өткен жылы екі үшем туса, жыл басынан бері бір үшем дүниеге келген.

Валентина Гергерт, №1 перинаталды орталығы директорының орынбасары:

Бізде үш ерлі-зайыпты бар. Барлығының да балалары осы жерде дүниеге келді. Оларды назардан тыс қалдырған емеспіз. Осындай мерекелік шараларда әріптестеріміз бізді, біз оларды құттықтаймыз.

Сәуле АЛДАМҰРАТҚЫЗЫ

Бөлісу