Басты Жаңалықтар Атырауда балалар канис-терапия тәсілімен емделуде

Атырауда балалар канис-терапия тәсілімен емделуде

06.06.2014 08:30

Атырауда аутизмге, психикалық дамуы кешеуілдеген және сал ауруына шалдыққан балаларды канис-терапия арқылы, яғни, арнайы үйретілген иттердің көмегімен емдеу тәжірибесі қолға алынды.

Балалардың мұндай ем алуына атыраулық Ерлан Күмісқалиев жағдай жасады. Ол лабродор тұқымды екі итімен арнайы медициналық курстан өткен соң осындай оңалту орталығын құрды.

Қазір ауруға шалдыққан балалардың барлығын тегін емдейді. Оның иттері адамға қарсы агрессиялық гені жоқ жалғыз тұқым көрінеді. Бүгінде орталықтан ем алуға келетіндердің қатары көбейген.

Гүлнұр Қасымова, Атырау қаласының тұрғыны:

Балам сөйлеп, ақыл-ойы дамиды, деп үміттенемін. Әрбір ата-ананың арманы - баласының жазылып, жүріп кетуі. Сол үмітпен келіп тұрмын.

Батырбек ҚУАНДЫҚҰЛЫ

Бөлісу