Басты Жаңалықтар Алматыда терапевтер мен кардиологтар бас қосты

Алматыда терапевтер мен кардиологтар бас қосты

04.06.2014 05:30

«Саламатты Қазақстан» мемлекеттік бағдарламасын жүзеге асыру аясында елімізде 60 мыңнан аса кардиохирургиялық операция жасалды. Оның 10 мыңнан астамы ашық түрде жүрекке жүргізілді.

Яғни, қазір әр өңірде кардиохирургия саласы қарқынды дамуда. Нәтижесінде былтырмен салыстырғанда, қазір жүрек ауруынан болатын өлім-жітім 25-30 пайызға төмендеді.

Бұл туралы бүгін Алматыда ашылған терапевтердің I Еуразиялық съезі мен кардиологтардың VI конгресінде айтылды.

Отандық және алыс-жақын шет мемлекеттер мен ТМД елдерінің 400-ге жуық дәрігері бас қосқан жиында мамандар терапевтік және жүрек-қантамыр ауруларының қазіргі ахуалын сараптады.

Осы саладағы отандық медицинаның жетістігін жіктеп, ауруларды диагностикалау, емдеу мен алдын алудағы жаңа технология тәсілдерін талқылады.

Нұрлан Әбдіқалиев, медицина ғылымдарының докторы, профессор:

Қазіргі жағдайда ең негізісі - Елбасымыз өзінің 2012 жылғы Жолдауында айтып кеткен профилактика мәселесі. Бар аурулардың алдын алу. Қазір денсаулық сақтаудың бірыңғай жүйесі енгізіліп жатқанда, халықтың өз денсаулығына жауапкершілігі қажет. Соның бәрі осы аурулардың алдын алуға көп үлесін қосады, деп ойлаймын.

Жазира ИСАЕВА

Бөлісу