Басты Жаңалықтар «Денсаулыққа 7 қадам» шарасы - шетелдіктерге үлгі

«Денсаулыққа 7 қадам» шарасы - шетелдіктерге үлгі

17.03.2014 08:00

Павлодарда «туабіткен жүрек талмасы» дертіне шалдыққан балаларға күрделі оталар жасалып жатыр. Оған Беларусь елінен арнайы кардиолог дәрігерлер келді. Олар қазақстандық мамандарға шеберлік сабақтарын өткізумен қатар, жаңа технологияларды игеру әдістерін үйретеді.

Мәселен, балалар кардиохирургі Юрий Чеснов ТМД елдерінде жақсы танымал. Ол мыңдаған ота жасады. Шетелдік маман талманы емдеу үшін жүректің жігін ажыратады. Мұндай ашық отадан кейін балалар жылдам сауығады.

Ал, «туабіткен жүрек талмасы» дерті елімізде жиі кездеседі. Беларусь мамандарының айтуынша, заманауи қондырғылар мен жабдықтарды қолдану үшін мамандардың шеберлігін шыңдау қажет.

Негізі елімізде адам денсаулығын сақтау мен салауатты өмір салтын қалыптастыруда жетістіктер жетерлік.

Юрий Чеснов, балалар кардиохирургі (Беларусь):

Қазақстанда медициналық көмек алудың қолжетімділігі дұрыс жолға қойылған. Кардиохирургия ғана емес, нейрохирургия, қан тамырлары хирургиясы, педиатрия, барлық сала бойынша адамдарға сапалы қызмет көрсетіледі. Ең бастысы, тұрғындарға дер кезінде ақпарат беріліп отырады. Мәселен, «Денсаулыққа 7 қадам» марафоны туралы естіп жатырмыз. Бұл әр адамның өз денсаулығына жауапкершілігін арттырады. «Жақсыны үйренбекке», деген. Беларусь елінде дәл осындай шара ұйымдастыратынымыз анық.

Болат АМАНБАЕВ

Автор

Болат Аманбаев

Бөлісу