Жаңалықтарды Telegram арнамыздан оқыңыз!Қазақстанда осы оқу жылының соңына дейін жобалық менеджмент мамандығы ашылуы мүмкін. Бұл туралы Астанада өтіп жатқан 30-шы әлемдік жобалық басқару конгресінде айтылды. Қазір мақсатқа жетудің жобалық басқару әдісін әлемде кең қолданады. Қазақстанда да бұл үрдістен қалмай арнайы курстар мен мамандықтар ашылады. Алдағы жылы Назарбаев университеті базасында жобалық менеджмент кафедрасы ашылса, Алматыдағы жоғарғы оқу орындарының бірінен осындай мамандық ашылмақ.
Айта кету керек, 1967 жылдан бері тұрақты түрде өткізілетін конгресс биыл Астанада өтуде. Оған әлемдегі жобалық басқару ұйымының белді сарапшылары қатысуда.
Дулат АБИБУЛЛАЕВ
