Солтүстік Корея Қысқы Олимпиадаға оркестр жібереді

Солтүстік Корея келер айда Пхенчханда өтетін Қысқы Олимпиада ойындарына спортшыларын ғана жіберіп қоймай, 140 адамнан тұратын оркестрін де жібермек. Бұл туралы олар Панмунжонда өткен келіссөздер нәтижесінде мәлімдеді. Екі Корея арасындағы мәселелерді талқылау өткен аптада басталған-ды. Ал, бұған дейін елдер арасындағы ахуал Солтүстік Кореяның ядролық бағдарламасына байланысты шиеленіскен болатын.

Айта кету керек, Солтүстік Корея жалпы Олимпиада Ойындарына бірнеше мәрте қатысқан. Бірақ, 1988 жылы Сеулде өткен жарысқа барудан ресми Пхеньян бас тартып, байкот жариялаған.

Мақпал СЕРЖАНҚЫЗЫ