7-ші «Қазақстан барысы» турнирінің алтын белбеу иегері Еламан Ерғалиевті жеңісімен құттықтаймыз!

Тұңғыш «Қазақстан барысы» Ұлан Рысқұл мен «Әскер барысы» Еламан Ерғалиев алтын тайтұяқ пен бас жүлдені сарапқа салды. Турнирдің басты белдесуі Еламан Ерғалиевтің таза жеңісімен аяқталды. Осылайша, ол «Қазақстан барысы-2017» турнирінің жеңімпазы атанды.

«Қазақстан барысы-2017» бәсекесінің екінші орын иегері – бозкілемге Алматы облысының атынан шыққан Ұлан Рысқұл болса, үшінші жүлде  шығысқазақстандық Айбек Нұғымаровта. 

Естеріңізге саламыз, ұлттық спорт жанкүйерлері бәсекені «Қазақстан» және «Kazsport» арналарынан тікелей эфирде тамашалады.