Арман Шораев: Палуандарға өзіміздің қазақстандық азаматтар төрешілік етеді

Бүгін елордамыз Астанада қазақ күресінің ұлы додасына айналған «Қазақстан барысы 2017» сайысы өтеді.

Осыған орай Қазақ күресі федерациясының президенті Арман Шораев жарыстың дайындық барысымен тікелей эфирде бөлісті.

«Биылғы «Қазақстан барысында» ерекшеліктер көп. Айта кетер болсам, тұңғыш рет «Барыс арена» спорт кешенінде өтуі. Бұл жер көрермендерге ыңғайлы, өйткені кілем мен көрермендер арасы өте жақын.

Сонымен қатар, жарысқа  барлығы 34 палуан қатысатын болады. Олардың ішінде бұрын аты шықпаған жас палуандар да жетерлік. Палуандарға өзіміздің қазақстандық азаматтар төрешілік етеді. Олардың есімдері әзірге құпия, тікелей эфир барысында жарияланады», дейді Арман Шораев.