Биыл жетінші мәрте өтетін «Қазақстан Барысы» турнирінде төрешілерге қойылар талап күшейді

Басты бәсекеде төрелік ету үшін қазір қазылар мүшесі дайын. Арнайы комиссия тек соңғы сәтте солардың ішінен алтауын іріктеп алмақ. Әзірге олардың аты-жөні құпия сақталып отыр. «Бұл бірінші кезекте палуандар тартысы барынша әділ өтуі үшін істеліп отырған шара»,- дейді ұйымдастырушылар.     

Халықаралық талаптарға сай болу үшін турнирге жолдама алған 34 палуанның барлығы арнайы зертханада тексеруден өткен. Білекті жігіттердің барлығы допингтан ада.

«Барыс Арена» кешенінде өтетін турнирге қызығушылық жоғары. Қазірдің өзінде стадионда бос орындар кемде-кем. Алыптар айқасын «Kazsport» және «Қазақстан» Ұлттық телеарнасы 2-ші шілдеде тікелей эфирде көрсетеді.

Елдос САПАРҒАЛИ