Астанадағы финалдық кездесу: Кубалық боксшылар алда келеді

Бүкіләлемдік бокс сериясы 7-маусымының 5 жекпе-жекке негізделген алғашқы сессиясында «Астана арландары» «Куба қабыландарына» әзірге 3:2 есебімен есе жіберіп отыр.

Әлімхан Аманқұл мен Арлен Лопес арасында өткен соңғы кездесуде жеңіс төрешілердің шешімімен кубалықтың еншісіне берілді.

Осылайша, бұған дейін «Астана арландары» сапындағы Теміртас Жүсіпов пен Ілияс  Сүлейменов жеңіске жеткенімен, Антон Пинчук, Ділмұрат Мижитов пен Әбілхан Аманқұл өз қарсыластарына есе жіберіп, кубалықтардан бір ұпайға артта қалып отырмыз.

Айта кетерлігі, Бүкіләлемдік бокс сериясында «Астана арландары» 2012/2013 жылдары және 2015 жылы екі рет чемпиондық атаққа қол жеткізген болса, «Куба қабылдандары» 2013/2014 жылдары және 2016 жылы жеңімпаз атанды.

inform.kz