Жаңалықтарды Telegram арнамыздан оқыңыз!19 наурызда Геннадий Головкин мен Дэниел Джейкобс арасындағы жекпе-жек «Қазмедиа Холл» киноконцерт залында тікелей эфирден көрсетіледі.
WBA (Super), IBO, WBC және IBF нұсқалары бойынша орта салмақтағы Әлем чемпионы, қазақстандық кәсіпқой боксшы Геннадий Головкин (36-0, 33 КО) мен WBA нұсқасы бойынша Әлем чемпионы, америкалық боксшы Дэниел Джейкобс (32-1, 29 КО) арасындағы кездесуді Астана тұрғындары мен қала қонақтары үлкен экраннан HD форматында тамашалай алады.
«Қазмедиа Холлда» өтетін көрсетілім уақыты: Астана уақытымен 08:00-де.
Көрсетілім демеушісі – «Қазақстан» РТРК» АҚ
Шара елорда әкімдігінің қолдауымен жүзеге аспақ.
Жанкүйерлерді Астана қаласы, Қонаев, 4 мекенжайы бойынша күтеміз. Кіру тегін.
Атап өтейік, Головкин-Джейкобс жекпе-жегін «Қазақстан» ҰТА мен «Kazsport» телеарнасы тікелей эфирде көрсетеді. Басталуы: 08:00-де.
