Жаңалықтарды Telegram арнамыздан оқыңыз!Қазақстандық боксшы Геннадий Головкин британдық Келл Брукке қарсы жекпе-жекте мерзімінен бұрын жеңіске жетті.
Лондон қаласының О2 аренасында өткен кездесу бесінші раундта аяқталды. Британдық боксшының командасы жекпе-жекті ары қарай жалғастырудан бас тартты.
Осылайша, 34 жастағы отандасымыз спорт мансабындағы 36-шы жеңісіне жетті. Головкин 33-ші рет және 22 рет қатарынан кездесуді нокаутпен аяқтады. Өз кезегінде британдық боксшы Брукке бұл спорт мансабындағы 37-ші жекпе-жек және алғашқы жеңіліс болды. Соған қарамастан, Брук IBF нұсқасы бойынша жартылай орта салмақта әлем чемпионы атағын сақтап қалды.
Айта кетейік, бұл кездесу Головкин үшін Ұлыбритания жерінде өткен алғашқы жекпе-жек. Бұған дейін ол Германия, Дания, Панама, Қазақстан, Украина, АҚШ және Монако елдерінде жұдырықтасқан болатын.
&mh_tags=Qazaqstan&mh_page=https://qazaqstan.tv/news/79589/){kind=small}
