Жаңалықтарды Telegram арнамыздан оқыңыз!Бүгін FIFA-2018 Әлем чемпионаты бастау алады. Мәскеудің атақты «Лужники» стадионынан төртқұрлық чемпионатының ашылу салтанатын «Qazaqstan» және «QAZSPORT» арналары тікелей эфирде көрсетеді. Басталуы: 20:30-да.
Чемпионаттың салтанатты ашылу рәсімінен кейін турнирдің алғашқы ойыны басталады. Онда Ресей және Сауд Арабиясының құрамалары кездеседі. Аталған ойынды футболсүйер «Qazaqstan» және «QAZSPORT» арналарынан 20:50-ден бастап көре алады.
Ел, елорда тұрғындары мен қонақтары үшін «Қазмедиа орталығының» медиафасадында ашық көрсетілім ұйымдастырылады. Ашылу салтанаты мен алғашқты матчтың көрсетілімі алдында, сағат 19:30-дан бастап «Астана» футбол клубының ойыншыларымен кездесу және жас футбол жанкүйерлеріне арналған шеберлік сағаты өтеді.
Естеріңізге сала кетейік, FIFA-ның 21-ші Әлем чемпионаты 14 маусым - 15 шілде аралығында Ресейдің Волгоград, Екатеринбург, Қазан, Калининград, Мәскеу, Нижний Новгород, Ростов, Самара, Санкт-Петербург, Саранск және Сочи қалаларында өтеді. Әлемнің үздік деп танылған 32 командасы төртқұрлықтың басты жүлдесіне таласпақ.
«QAZAQSTAN TV» мобильді қосымшасы
