Месси ұлттық құрама сапына оралатын болды

Аргентина құрамасының шабуылшысы Лионель Месси ұлттық құрама сапындағы мансабын аяқтамайтын болды. 

Месси құрама команданың бас бапкері Эдгардо Баусамен сөйлесіп, қыркүйек айында 2018 жылғы Әлем чемпионатына іріктеу кезеңі аясында өтетін Уругвай және Венесуэла командаларына қарсы ойнауға ниетті екенін айтқан. 

Естеріңізге сала кетейік, бұған дейін бес дүркін «Алтын доп» иегері Америка кубогінің финалында Аргентина құрамасы Чили командасынан жеңілгеннен кейін ұлттық құрама сапындағы мансабын аяқтайтыны жайлы мәлімдеген еді.