Ұлттық арна мерекелік тарту дайындауда

Қазақстан Ұлттық телеарнасы Тәуелсіздік мерекесіне орай көрермендерге ерекше тарту жасамақ. Демалыс күндері бірнеше ауқымды жобалардың шығарылымы жоспарланып отыр. 16-ы сағат 11:05-те тікелей эфирде «Тәуелсіздік тұғырым» атты арнайы жоба көрермендерге жол тартады. «Қазақстан Today» жобасы аясында арнайы роликтер көрсетілмек. Сондай-ақ, «Қазақстанның Тәуелсіздік жылдары жеткен жетістіктері», «Нұрлы жол», «Алаш алыптары» сияқты деректі фильмдер де көрерменге жол тартпақ. «Еуразия барысы – 2017» халықаралық турнирі де спортсүйер қауым үшін Қазақстанның басты арнасында тікелей эфирде көрсетіледі. 

Ерлан Қарин, «Қазақстан» РТРК» АҚ басқарма төрағасы:

- Ең бастысы, мереке күндері Ұлттық арнаның мега жобаларының ақтық бөлімдері жоспарланған. Ұлттық арна көрермендерінде 16-желтоқсанда 21:30-да «Silk Way Star» халықаралық мегажобасының финалы және 17-желтоқсан 20:55-те «Мен қазақпын» халықаралық музыкалық жобасының гала-концертін тамашалауға мүмкіндік туады.

Оңғар АЛПЫСБАЙҰЛЫ