Жаңалықтарды Telegram арнамыздан оқыңыз!Шығыс Қазақстан облысы «ЭКСПО-2017» көрмесіне ұсынған жобаларын жүзеге асыра бастады. Мәселен, Ұлттық ядролық орталық отандық павильонға «Қазақстандық материалтанымдық термоядролық Токамак реакторын» ұсынды. Дәл қазір аталған жоба Курчатов қаласы аумағында іске асып келеді. Ал, Өскемен және Семей қалаларында көше жарықтандыру жүйесін жаңарту жоспары қолға алынды. Модернизация бағдарламасына сай, 25 мыңнан аса көше шамдары әлдеқайда тиімді түрлеріне алмастырылады. Нәтижесінде қуат көздерінің 40 пайызы үнемделмек. Бұған қоса, «ЭКСПО»-да ұсынылған жобаларды зерттей келе, Шығыс Қазақстанда 12 жоба қолға алынбақ. Энергетика және экология салаларында – 5 жоба болса, сумен қамту саласында – 2 жоспарды іске асыру көзделген.
Дарын САҒИТОВ
