Финляндиялықтар оқыту тәжірибесімен бөлісті

«Заманауи білім ордасы– оқуға деген құштарлықты арттырудың көзі». Бүгін осындай атаумен «ЭКСПО» көрмесіндегі Финляндия павильонында семинар өтті. Яғни, финляндиялықтар белсенді оқыту концепцияларымен таныстырды. Атап айтқанда, «білім орталықтарын инновациялық технологиялармен жабдықтау маңызды», - дейді шетелдік мамандар. Мәселен, мектептерді таза экологиялық жиһаздармен жабдықтау оқушының ауырмауына септігін тигізбек. Бұдан өзге, баланың оқуға деген құлшынысын арттырады. «Isku» компаниясы ұсынған сондай антибактериялық орындықтар Финляндия павильонына қойылған. Сондай-ақ, Қазақстандағы «Мирас» мектептері де бұл компанияның жиһаздарын қолданып жүр.

Фариза МҰСАҚЫЗЫ