Мәскеуде Тәуелсіз мемлекеттер достастығы Экономикалық кеңесінің 69-шы отырысы өтті

Мәскеудегі жиынға, Үкімет басшысының бірінші орынбасары Бақытжан Сағынтаев қатысты.


Басқосуда тараптар, еркін сауда аймағына кіретін елдер арасындағы мемлекеттік сатып алудың ережелері туралы, электрэнергетикасы нысандарында болған апат кезінде ақпарат алмасу және ТМД мемлекеттері арасындағы химия өнеркәсібі саласындағы ынтымақтастық жайлы хаттамалардың жобаларын бекітті.

Бұдан өзге ТМД аумағындағы ядролық және радиациялық қауіпсіздік тұжырымдамасы шеңберінде, кен орындарын бірлесіп барлау, пайдалану және қорғауға арналған жоспар қабылданды. Осы және өзге де мақұлданған құжаттар, енді, ТМД Үкімет басшылары кеңесінің қарауына жіберіледі.

Нұртас СОЛТАНҰЛЫ