Ақтөбелік Мұхамбетәли Қойшыбаев ешкі сүтінен қымыз дайындайды

Бұл кәсіпті тиімді табыс көзіне айналдырған Мұхамбетәли Қойшыбаев қорасындағы ешкі санын 100-ге жеткізіп, тәулігіне 50 литр табиғи, таза сусын шығаруда.

Мұхамбетәли ешкі өсіруді 10 жыл бұрын қолға алған. Қазір оның қорасында голландтық заанин, африкалық нубийка және орыстың сүтті ешкілері бағылуда. Мұхамбетәли қымыз дайындау әдісін Башқұртстаннан үйреніп келген. Қазір оның өнімдеріне сұраныс артуда.
Қожалық басшысы алдағы уақытта шекшек ата тұқымын 500-ге жеткізуді жоспарлап отыр.

Сондай-ақ, ерекше сусынды тек Ақтөбе облысына ғана емес, басқа өңірлерге де шығару жоспары бар.

Жақсыбек КЕМАЛ