«Жаһан-сарап». Владимир Зеленский Жоғарғы раданы таратты

Бұл аптада халықаралық маңызға ие бірнеше оқиға болды. Британияда саяси дағдарыс басталды. Парламенттегі Қауымдар палатасының жетекшісі қызметінен кетті. Оппозиция жаңа сайлау өткізуді талап етіп отыр. Брексит тым ұзаққа созылып кетті. Йеменде азамат соғысы әлі жалғасып жатыр. 2014 жылдан бері бұл елде қақтығыстан 700 мың адам көз жұмғаны жақында мәлім болды. Ал Украинаның жаңа президенті Владимир Зеленский өз қызметіне кірісті. Ол ұлықтау рәсімінде-ақ парламентті таратып, құқық қорғау органдарының басшысыларын қызметінен алуды сұрады.