Нұрсұлтан Назарбаев Татарстан Республикасында бірқатар маңызды кездесу өткізді

Президент Мәскеуден кейін арасын 800 шақырым жалғап жатқан Татарстан астанасы Қазан қаласына барды. Бұл қазақ пен татар арасындағы қарым-қатынасты «тарихи тіні үзілмеген достық» деп бағалауға болады. Себебі, екі елдің арасындағы саяси-экономикалық және рухани байланыстардың тарихы тым тереңде жатыр.

Мәселен, XVI ғасырда өмір сүрген Татар ханшайымы Сүйінбике Едіге бидің ұрпағы болған. Жалпы, бұл халықты еңбекке епті, ілім-білімге құштар деп айтады. Озық ойлы ақынымыз Сұлтанмахмұт Торайғырдың өзі «анау қырда татар тұр, басқалармен қатар тұр...» деп өлеңдеткені бар. Ондағы ойы, емеуріні – ұйқысы көп, ояуы аз біздің халыққа татардың экономикасын, мәдениетін үлгі-өнеге қылып көрсету еді. Сонымен,  Нұрсұлтан Назарбаев төрт миллионға тарта халқы бар Татарстан Республикасына жұмыс сапарымен барып, бірқатар маңызды кездесу өткізді.

Айдос ӘШІМҰЛЫ

«YouTube»-тағы «Qazaqstan TV» арнасына жазылып, AppStore және Play Market сервистерінен «Qazaqstan TV» мобильді қосымшасын тегін жүктеп алыңыз.