Жаңалықтарды Telegram арнамыздан оқыңыз!Кеше Оңтүстік Қазақстан облысы бойынша Мемлекеттік кірістер департаменті басшысының орынбасары Нұржан Теңлібаев ұсталды. Ол қылмыстық жоспар құрып, оған өзіне бағынышты төрт кедендік бекеттің басшыларын тартқан. Сөйтіп, сыртқы экономикалық қызметтегі жалпы қамқорлығы үшін кәсіпкерлерден жүйелі түрде пара алып келген. 2017-2018 жылдар аралығында алынған заңсыз сыйақының көлемі 1,2 миллион АҚШ долларына жетіп отыр. Қазір күдікті уақытша ұстау изоляторында қамауда. Тергеу жұмыстары жүріп жатыр.
Мейіржан ӘЛІБЕКҰЛЫ
