Жаңалықтарды Telegram арнамыздан оқыңыз!«Нұрсұлтан Назарбаев және Қазақстанның қарышты қадамы». Осындай атаумен қытай тілінде кітап жарық көрді. Туындының Бейжіңде өткен таныстырылымына осы елде жұмыс сапарымен жүрген Премьер-Министрдің орынбасары – Ауыл шаруашылығы министрі Асқар Мырзахметов пен шығарма авторы, белгілі ағылшын жазушысы Джонатан Айткен қатысты.
Шығармада Нұрсұлтан Назарбаевтың қарапайым болат балқытушыдан бастап, Қазақстан Президентіне дейінгі өнегелі өмірі жайлы жазылған. Бұған дейін «Нұрсұлтан Назарбаев және Қазақстанның қарышты қадамы» қазақ, орыс, араб, түрік, корей және хорват тілдеріне аударылған. Бейжіңдегі салтанатты шараға Лондоннан арнайы келген кітап авторы қызықты мәліметтермен бөлісті.
