Жыл басынан Сыбайлас жемқорлыққа қарсы іс-қимыл ұлттық бюросы 2 мыңнан астам істі сотқа жіберген

Өткен 3 жыл ішінде 73 балабақшаға жететін қаржыны мемлекет бюджетіне қайтардық - деп мәлімдейді Сыбайлас жемқорлыққа қарсы іс-қимыл ұлттық бюросы. Қызық теңеу екен. Мектептердегі оқушылар үш ауысыммен оқитынынан хабардар болуы керек шамасы. Биылдың өзіне жемқорлыққа қатысты тәркіленген қаражаттың көлемі 7 жарым млрд теңгеге жеткен. Осы аптада Ұлттық бюро мамандары бірнеше атышулы қылмыстық іске қатысты тергеу нәтижесін жария етті. Соның ішінде жең ұшынан жалғасқан жемқорлыққа жол берген «Бәйтерек» Ұлттық холдингінің бұрынғы басшысы Қуандық Бишімбаевқа қатысты да тергеу нәтижелері де айтылды.

Сәбит ӘЛДЕБАЙ