Бүгінде кәсібіне сай жұмыс таба алмай, сенделіп жүрген жастар аз емес

Демек, мемлекеттің сол маманды дайындауға жіберген инвестициясы зая кетті деген сөз. Ондай маман қажет емес екен бізге. Ондайларға Білім және ғылым министрлігі қайта даярлау бағдарламаларын ұсынады. Демек, біз бір маманды дайындау үшін екі қайтара шығынданамыз. Ал, мұндай рәсуә кімге керек? Неге мың қайтара айтылса да, қай салаға қанша маман қажет екенін зерттеу ісі әлі де жолға қойылмаған? Жауапты министрлік осы мәселені қашан шындап қолға алмақ?

Біз бұл мәселеге қатысты Білім және ғылым министрлігіне екі қайтара хат жолдағанбыз. Соңғысы 8 қыркүйекте жіберілген. Алайда, екі хатқа да әлі күнге дейін не ресми, не бейресми жауап жоқ. Сондықтан бұл фактіні Премьер-Министрдің кеңсесі назарына алар деген үмітіміз бар.