Мемлекет бір студентті грантқа оқыту үшін жылына 150 мыңнан 2 млн теңгеге дейін жұмсайды

Демек, төрт жылда 600 мыңнан 8 млн-ға дейін ақша жұмсалады. Енді, осы цифрды 37 932- ге көбейте беріңіз. Өйткені, мемлекет жыл сайын жоғарғы оқу орындарына осынша грант бөледі.

Одан бөтен, мемлекеттік ақшаға тағы 10 мыңнан аса магистрант пен 1285 PhD докторантын оқытамыз. Оның сыртында «Болашақ» бағдарламасы бойынша да қыруар қаржы кетеді. Шетелдегі оқудың бір жылы орташа есеппен -  55 мың доллар. Тағы бір бөлігін қайта даярлау бағдарламалары арқылы өткізіп жатырмыз. Бұл енді мемлекеттің жастарға, келешекке жасап отырған жақсылығы, әрі инвестициясы. Ал, енді сол инвестициялар ақталып жатыр ма деген сауалға жауап тілші сюжетінде.

Бақытжан ОМАР