Жалған ақпарат таратқан БАҚ-қа жүктелетін міндеттер қандай?

Сонымен бас-аяғы 3 жыл ішінде интернет кез келген шалғай ауылға да қолжетімді болады. Бірақ, сонымен бірге интернет көздерін, оның ішіндегі ақпаратты пайдалану мәдениеті де қалыптаса бастаса екен деген тілек бар. Әсіресе, сол ақпаратты тарату ісінде. Жалған ақпарат таратқан БАҚ-қа жүктелетін міндеттер қандай? Сенсация қуудың соңы неге соқтыруы мүмкін?

Осы аптада еліміздің Ақпарат және коммуникациялар министрі Парламент қарауындағы ақпарат және коммуникация саласы бойынша заң жобасының нормаларын түсіндіріп берді. Дәурен Абаев қалам ұстаған қауымның барлығына қатысы бар құжатқа енуі мүмкін жаңа өзгерістер жайлы әлеуметтік желіде бейне-хабарлама жариялады.