Апта басында Ақордада Мемлекет басшысының төрағалығымен Қауіпсіздік кеңесінің отырысы өтті

Қазақ Президенті қазіргі кезде өткір тұрған экстремистік және террористік әрекеттерге қарсы тұру – ең әуелгі міндет екенін ескертті.

Енді бір ресми ақпарымыз бар. Апта басында Ақордада Мемлекет басшысының төрағалығымен Қауіпсіздік кеңесінің отырысы өтті. Үш мәселе қаралды. Ұлттық қауіпсіздіктің 2012-2016 жылдарға арналған стратегиясының қорытындылары, әскери-техникалық саясаттың бірқатар тетіктері және үшінші ЭКСПО көрмесіне дайындық шаралары пысықталды.

Жаһан экономикасындағы дағдарысқа қарамастан макроэкономикалық көрсеткіштерді тиімді деңгейде ұстап тұра алдық. Ішкі, өңірлік және жаһандық үдерістерге қатысты жүргізілген талдау алдағы кезеңде еліміздің ұлттық қауіпсіздігіне төнуі ықтимал сын-қатерлер мен қауіптерді анықтауға мүмкіндік берді.

Сондай-ақ, Қазақ Президенті қазіргі кезде өткір тұрған экстремистік және террористік әрекеттерге қарсы тұру – ең әуелгі міндет екенін ескертті.

Бақытжан ОМАР