Мемлекет басшысы осы аптада саяси мемлекеттік қызметкерлердің ант беру рәсіміне қатысты

«Біз Тәуелсіздігімізді нығайту жолында және Қазақстанның жарқын болашағы үшін қолымыздан келгеннің бәрін жасауға тиіспіз». Бұл - осы аптада Ақордада ант берген саяси мемлекеттік қызметшілерге Елбасының айтқан сөзі. Бюджет қаражатын тиімсіз пайдалану мен мемлекеттік қызметшілердің құқық бұзу жайттары тек имиджге ғана емес, тұтас мемлекеттік басқару жүйесіне теріс әсерін тигізіп отыр. Сондықтан, Мемлекет басшысы қызметкерлерге талаптың күшейетінін қадап айтты. Ұлттық банк төрағасы, Жоғарғы сот кеңесінің төрағасы, Бас прокурор, «Сырбар» сыртқы барлау қызметінің директоры, сондай-ақ, Президент Әкімшілігінің басшылық лауазымдағы бірқатар тұлғалары, Үкімет мүшелері, облыстардың және Алматы қаласының әкімі салтанатты түрде ант берді.

Ержан ҚАЛЫМБАЙ