Саяси реформаларды сәтті іске асыру үшін партиялардың белсенділігін арттыру қажет

Президенттің өкілеттігін өзге де билік тармақтарына беру процесі - Қазақстандағы саяси эволюцияның бір бағыты. Ал, билік тармақтарын бөлуді Ұлт жоспарынан бөлек қарауға болмайды. Бұл реформа әлемдік деңгейде өз ерекшелігімен есте қалатын тарихи кезеңнің бастауы болары анық.

Билік тармақтары арасында өкілеттіліктерді қайта бөлу - дер кезінде көтерілген мәселе. Қазір мұндай өзгерістерге билік те, қарапайым азаматтар да толық дайын. Саясаттанушылар «саяси реформаларды сәтті іске асыру үшін, азаматтық қоғамды одан ары дамытып, саяси партиялардың белсенділігін арттыру қажет», - дейді.