Давоста өткен Дүниежүзілік экономикалық форумда қандай мәселелер талқыланды?

Осы аптада Давоста жылдағыдай Дүниежүзілік экономикалық форум өтті. Бірақ, оның негізгі тақырыптары Дональд Трамп билікке келгеннен кейінгі әлемнің болашағы және ғаламдануға төнген қауіп проблемаларының көлеңкесінде қалып қойды.

Биыл жиынға алғаш рет Қытай төрағасы қатысып, ғаламдануды жақтап, сөз сөйледі. Трамп болса, бұған қарсы. Оның сөзінше, АҚШ сырттан келетін тауарларға салықты көтергенде, яғни, протекционизм саясатын ұстанғанда ғана, өз экономикасын өркендете алады. Ал, кедейшілікпен күрес жөніндегі «Oxfam» ұйымының мәліметінше, қазір планетада табыс теңсіздігі күшейіп, 8 мультимиллиардер дүние жұртының жартысының дәулетіне пара-пар байлықты иеленіп отыр. Сонымен қатар, дәл осы форумда Түркия «Сирия Президенті биліктен кетсін» деген позициясынан бас тартқанын жариялады.

Арыстан РЫСБЕК