Басты Жаңалықтар Елбасы бизнесті дамытуға қатысты 7 тапсырма жүктеді

Елбасы бизнесті дамытуға қатысты 7 тапсырма жүктеді

13.04.2014 08:30

Қорытындылай айтсақ, Ұлттық инвесторлар кеңесінде Президент Нұрсұлтан Назарбаев бизнесті дамыта түсу үшін 7 тапсырма жүктеді. Бірінші, теңге нарығын дамыту үшін Ұлттық банк қосымша ынталандыру пакеттерін ойластыру керек.

Екінші, Ұлттық банк Үкіметпен бірге 1-ші маусымға дейін Ұлттық бірыңғай зейнетақы жинақтау қоры активтерін инвестициялау стратегиясын әзірлеуі тиіс.

Үшінші, тағы да Ұлттық банк пен Үкіметке 1-ші маусымға дейін капиталға рақымшылық жасау туралы заң жобасын дайындау міндет, төртінші, «Астана EXPO-2017» ұлттық компаниясы көрме нысанда

рының құрылысына қазақстан бизнесін тартудың жөн-жобасын жасауы тиіс.

Бесінші, Дүниежүзілік банктің бизнес жүргізу рейтингінде Қазақстан 2016-шы жылы озық отыз елдің санатына қосылу керек. Бұл енді Үкіметтің міндеті.

Алтыншы, Үкімет пен Ұлттық кәсіпкерлер палатасы бірігіп, Қазақстанда кәсіпкерлікті дамытудың бағдарламасын жасауы тиіс.

Жетінші, яғни, соңғысы - Үкімет жергілікті органдармен бірге Ұлттық кәсіпкерлер палатасымен бірлескен іс-қимыл регламентін бекітуге міндетті. Жеті тапсырманы осылай жіктедік.

Бөлісу