Жаңалықтарды Telegram арнамыздан оқыңыз!1 сәуір. Бұл - Көпен сияқты көкелердің кәсіби мерекесі - Күлкі күні болғанымен, дәл сол күннен бастап, бірнеше сала бойынша жалақы өсетін болды. Бұл жаңалықты Мемлекет басшысы кешегі Үкіметтің кеңейтілген жиынында жария қылды.
Мәселен, тау-кен, металлургия және мұнай-газ өндірісіндегі жұмысшылардың жалақысы 10 пайызға көбейеді. Бұл жерде Президент «Самұрық-Қазынаның» басшысы Өмірзақ Шөкеевке «Кеңседе құр қол қусырып отыратындардың емес, ауыр жұмыспен айналысатын азаматтардың айлығы артатын болсын», деп ескертіп өтті.
Сондай-ақ, зейнетақы - 14 пайызға, мемлекеттік жәрдемақы мен әлеуметтік көмек - 12 пайызға, студенттердің шәкіртақысы мен азаматтық қызметкерлердің жалақысы - 10 пайызға өсетін болды. Бұл жерде азаматтық қызметкерлердің 2015 жылы қосылатын үстемені есептегенде, еңбекақылары 36 пайыздан 52 пайызға артатын болады.
