Жаңалықтарды Telegram арнамыздан оқыңыз!Ауғанстанда «Талибан» содырлары үкіметтік әскери кешенге шабуыл жасап, 12 жауынгерді мерт қылды. Тағы 22 адам жараланған. Бұл туралы ауған билігі хабарлады. Елдің солтүстік-батысындағы Бадгис провинциясында 2000-ға жуық тәліп шамамен 600 ауған әскерін шабуылдаған.
2 күнге созылған шайқаста сарбаздардың оқ-дәрілері мен азық-түліктері бітуге таяды. Кейбір мәліметке қарағанда, қақтығыс әлі аяқталған жоқ. Сондықтан, ауған үкіметі армияға көмек жеткізу жолдарын қарастырып жатыр.
«Талибан» Ауғанстан басшыларын АҚШ-тың қолбаласы деп айыптап, сол билік арқа сүйеген шетел күштерін елден кетіруді мақсат етіп отыр.
Жансая ҚАПАСҚЫЗЫ
