Малиде содырлар шабуылынан 134 адам мерт болды - «Qazaqstan» Ұлттық телеарнасы

Малиде содырлар шабуылынан 134 адам мерт болды

26.03.2019

Малидің Огоссагу және Велингара ауылына содырлар шабуыл жасап, 134 бейбіт тұрғын мерт болды. Олар үйлерді қиратып, өртеп жіберген. Жанып кеткен мәйіттердің көбі қарттар, әйелдер мен балалардікі. Олар фулани ұлтының өкілдері болған. Мұндай әрекеттерге ұлтаралық қақтығыстар себеп болуы мүмкін.

Қаңтар айында дәл осындай оқиға болып, 37 адам қаза тапқан. Ел президенті Ибрагим Бубакар Кейта «мұндай әрекеттер соғысқа әкелуі мүмкін» деп отыр. Малиде 2012 жылдан бастап бірнеше исламдық топ елдің солтүстігін басып алып, Азавад тәуелсіз мемлекетін жариялаған еді. Алайда, 2013 жылы аталған аумақ ел билігіне қайтарылды. Содан бері елде ұлтаралық қақтығыстар жиі болып тұрады.  

 

Жансая ҚАПАСҚЫЗЫ

Хабарламаларға жазылу