«Сары кеудешелер» қозғалысының шеруі жалғасып жатыр

Франциядағы «Сары кеудешелер» қозғалысының шеруі 14-інші аптаға ұласты. Париж көшелеріне шыққан мыңдаған демонстрант Триумф аркасынан бастап Эйфель мұнарасына дейін барған. Жексенбідегі акция кезінде тәртіпсіздіктер болған жоқ. Ал, сенбіде Париж бен Нант қаласында өткен шерулерде полиция демонстранттармен қақтығысты.

Жалпы, «Сары кеудешелер» қозғалысы қарашаның 17-сінде үкіметтің бензин бағасын өсіру жоспарына қарсы басталды. Бүгінде шерушілер президент Макронның биліктен кетуін талап етіп, полицияның асыра күш қолдануына наразылық білдіріп жатыр.

Арай ТӨЛЕГЕНҚЫЗЫ

«YouTube»-тағы «Qazaqstan TV» арнасына жазылып, AppStore және Google Play сервистерінен «Qazaqstan TV» мобильді қосымшасын тегін жүктеп алыңыз.