Албаниядағы студенттер шеруі тоқтамай тұр

12.12.2018

Албания астанасы Тирана мен өзге қалаларында студенттер шеруі жетінші күнге ұласты. Жастар үкіметтен оқу ақысын төмендетіп, білімге бөлінетін бюджетті екі есеге көбейтуді талап етіп жатыр. Албанияда орташа жалақы - 350 еуро. Ал, мемлекеттік университеттерде оқу үшін жылына 160 еуродан 2600 еуро дейін төлеуге тура келеді.

Студенттер премьер-министр Эди Рамамен және үкіметтің өзге өкілдерімен кездесуден бас тартып отыр. Айтуларынша, олар талаптары орындалған жағдайда ғана, билікпен диалог жүргізуге әзір. Ал, министрлер кабинетінің басшысы Рама «Facebook»-те мәлімдеме жасап, шерушілердің талаптарымен келісетінін атап өтті.

Арыстан РЫСБЕК

«YouTube»-тағы «Qazaqstan TV» арнасына жазылып, AppStore және Google Play сервистерінен «Qazaqstan TV» мобильді қосымшасын тегін жүктеп алыңыз.

Хабарламаларға жазылу