Үндістан астанасына жүк көліктерінің кіруіне тыйым салынды

Бұған Нью-Делиде ауаның ластануы қауіпті деңгейге жетуі себеп. Қалада қазаннан бері улы түтін сейілмей тұр. Бұған жақын маңдағы егістік алқаптарының өртелуі, көліктер мен өнеркәсіп ошақтарынан тараған қою түтін және «Дивали» мерекесі кезінде отшашулардың көп атылуы ықпал етті.

Делиде жүк көліктерінің қозғалысы үш күнге шектеледі. Күріш, бидай, көкөніс, сүт, жанармай тиеген фургондарға ғана бұл тыйымның күші жүрмейді. Дәрігерлердің мәлімдеуінше, соңғы кездері бұл мегаполисте тыныс алуы қиындаған науқастар саны артқан.

Арай ТӨЛЕГЕНҚЫЗЫ  

«YouTube»-тағы «Qazaqstan TV» арнасына жазылып, AppStore және Google Play сервистерінен «Qazaqstan TV» мобильді қосымшасын тегін жүктеп алыңыз.