Үндістанда пойыздың соққысынан 61 адам қаза тапты

Үндістанның Пенджаб штатында пойыз бір топ адамды қағып өткенде қаза тапқандардың саны 61-ге жетті. 100 шақтысы жараланған. Оқиға Амритсар қаласында тұрғындар жақсылықтың жамандықты жеңуін білдіретін «Дуссера» мерекесін тойлап жатқанда болды.

Фестивальге жиналғандар дәстүрлі рәсім кезінде рельстің үстіне шығып кетіп, жүйіткіп келе жатқан пойыздың дауысын естімей қалған. Олардың көбі мерекені телефондарына түсіріп жатқан еді. Осы сәтте жоғары жылдамдықпен жеткен пойыз көпшілікті қағып өткен.

Болжамдарға қарағанда, қаза тапқандардың саны әлі де өсуі мүмкін.

Арай ТӨЛЕГЕНҚЫЗЫ

«YouTube»-тағы «Qazaqstan TV» арнасына жазылып, AppStore және Google Play сервистерінен «Qazaqstan TV» мобильді қосымшасын тегін жүктеп алыңыз.