Қытайда сапасыз екпеге қатысты дау шықты

Қытайда балаларға арналған құтыруға қарсы жүз мыңдаған екпе сапасыз болып шықты. Мұны «Си-Эн-Эн» телеарнасы Қытайдың азық-түлік және дәрі-дәрмек сапасын бақылау басқармасына сілтеме жасап хабарлады. Бұл вакциналар ұлттық екпе бағдарламасына сай таратылып, балаларға егілген екен. Дегенмен, бұл препараттың бүлдіршіндердің денсаулығына қалай әсер ететіні туралы ақпарат әзірге жоқ.

Қытайда осы вакцинаны шығарған компанияға қатысты антикоррупциялық тергеу басталып, екпеге берілген лицензияның күші жойылды.

Арай ТӨЛЕГЕНҚЫЗЫ