Жаңалықтарды Telegram арнамыздан оқыңыз!Сауд Арабиясында ондаған жылдарға созылған заң күшін жойды. Корольдікте жексенбіден бастап әйелдер алғаш рет көлік жүргізе бастады. Тарихи сәтті күллі ел аумағында қыз-келіншектер тойлап жатыр.
Бұл қадам Саудия әйелдерінің еркіндігін кеңейтумен бірге, көптеген бизнестің дамуына жол ашпақ. Елде отандық көлік нарығы 6-10 пайызға өседі деген болжам бар. Бұған қоса, нәзік жандылардың жол ережелерін бұзбауын бақылайтын арнайы әйел инспекторлар дайындықтан өтіп жатыр. Олар әйелдердің қатысуымен болған жол-көлік оқиғаларының мән-жайын анықтауға қатысады.
Сонымен қатар, жуырда корольдікте жол ережесін сақтамаған әйелдерді қамау орталықтары ашылмақ.
Арай ТӨЛЕГЕНҚЫЗЫ
«YouTube»-тағы «Qazaqstan TV» арнасына жазылып, AppStore және Google Play сервистерінен «Qazaqstan TV» мобильді қосымшасын тегін жүктеп алыңыз.
