Хорватия полициясы мигранттар көлігіне оқ атты

01.06.2018

Хорватия полициясы мигранттар мінген фургонға оқ атып, 9 адамды жаралады. Көлікте болған 29 кісі - Ауғанстан мен Ирактан жеткен мигранттар. Полицияның сөзінше, олар Босния арқылы Еуроодақ шекарасына өтіп, Хорватияға кірмек болған.

Оқиға елдің Задар қаласына жақын ауылда болды. Жараланғандардың арасында екі бала бар. Мигранттарды Хорватияға кіргізбек болған көлік жүргізушісі босниялық екені анықталды. Ол оқиға орнынан ізін суытып үлгерген.

«Рейтердің» мәліметінше, биыл Еуропаға мыңдаған заңсыз мигрант Балқан елдері арқылы өткен. 

Арай ТӨЛЕГЕНҚЫЗЫ

Хабарламаларға жазылу