Хоккайдо аралында қатты боран соғып жатыр

Жапонияның солтүстігіндегі Хоккайдо аралында қатты боран соғып жатыр. Одан 1 адам қаза тапқан. Метеорологтар жағдай одан әрі ушығуы мүмкін екенін ескертті. Сонымен бірге, тұрғындарға далаға шықпау туралы кеңес берілді.

Боран кезінде мектеп оқушылары мінген автобус қарға батып, жолда тұрып қалған. Жалпы алғанда, 300-дей пойыздың және 100-ден астам ұшақтың сапары доғарылып, жүздеген адам вокзалдар мен әуежайларда сергелдең күй кешіп жүр. Тағы бірнеше адам боран кезінде адасып кетіп, кейін аман-есен табылды.

Арай ТӨЛЕГЕНҚЫЗЫ