Халықаралық Олимпиада комитеті 15 ресейлікті Қысқы ойындарға жібермеді

13 атлет пен екі тренерді өткен аптада ғана Лозаннадағы Спорттық арбитраждық сот допинг ісі бойынша ақтап шығарған еді. Бірақ, аталған комитеттінің мәлімдеуінше, 13 спортшы допингтен мүлде таза дегенге толық сенім жоқ.

Оңтүстік Кореяда Қысқы Олимпиада ақпанның 9-да ашылып, екі аптаға созылады. Оған Ресейдің 169 спортшысы бейтарап мәртебемен қатысып, өз елінің туы мен әнұранын қолдана алмайды.

Тергеу нәтижелеріне қарағанда Ресейде спортшылардың допинг қабылдауы мемлекеттік деңгейде қолдау тапқан. Алайда, ресми Мәскеу бұл қорытындыны үнемі жоққа шығарып келеді.

Арыстан РЫСБЕК