Афиныда сан мыңдаған адам шеруге шықты

Грекия астанасы Афиныда 140 мың адам Македония деген атауға қарсылық білдіріп шеруге шықты. Демонстранттар қаланың орталық алаңына Синтагмуға жиналды. Акцияға қатысушылар елдің түкпір-түкпірінен, бірақ, көбі Македония провинциясынан келген. Ел астанасында осыған орай қауіпсіздік мейлінше күшейтілді. Полиция алаңның жан-жағын арнайы бөгеттермен қоршап жатыр.

Айта кетсек, грекиялықтар югославиялық мемлекет Македония деген атауды Грекияның провинциясынан ұрлаған деп отыр. Бұл даулы мәселе елдер арасында 20 жыл бойы өзекті проблема болып келеді. Олар НАТО мен Еуропалық Одаққа Македонияның кіруі туралы келіссөздер жүруіне кедергі келтіруде.  

Мақпал СЕРЖАНҚЫЗЫ