Жаңалықтарды Telegram арнамыздан оқыңыз!Бурятияда мектепке шабуыл жасалып, 7 адам зардап шекті. Олардың қатарында бір мұғалім мен жасөспірім бар. Қолында балта болған жасөспірім конвоймен ауруханаға жеткізілді. 9-сыныпта оқитын ол бала оқушыларға шабуыл жасағаннан кейін сабақ өтетін бөлмеге отты шөлмекпен өрт қойған. Оқиға Улан-Удэ қаласы маңындағы Сосновый Бор ауылында болды. Мектептен 500 адам қауіпсіз жерге көшірілді. Шабуылға жасөспірімдер арасындағы жанжал себеп болуы мүмкін. Айта кетсек, жақында ғана Ресейдің Пермь қаласында осыған ұқсас шабуылдан 4-сынып оқушылары мен мұғалім жараланған еді.
Арыстан РЫСБЕК
