Жаңалықтарды Telegram арнамыздан оқыңыз!Жапония премьер-министрі Синдзо Абэ Солтүстік Кореяға байланысты қатаң саясат ұстануға уәде берді. «Ол үшін қатты дипломатия керек»,- дейді Күншығыс елінің үкімет басшысы.
Абэ бастаған Либерал-демократиялық партия жексенбі күні парламенттің төменгі палатасына өткен сайлауда басымдықпен жеңіске жетті. Заң шығару органының алғашқы сессиясы қарашаның 1-не белгіленіп отыр.
Абэнің партияластары парламенттегі мандаттардың үштен екі бөлігін иеленген. Яғни, оларға Жапонияның Екінші дүниежүзілік соғыстан кейінгі бейбітсүйгіш конституциясын өзгертуге жол ашылып отыр. Бұған дейін премьер-министр елде армияның бар екенін ресми түрде бекітіп, қорғанысты нығайтуға шақырған-ды. Алайда, оппозицияның пікірінше, мұндай бастама мемлекетті қайтадан миллитаризмге жетелейді. Айта кетсек, жапон әскері «өзін-өзі қорғау күштері» деп аталады.
Арыстан РЫСБЕК
